ჯანდაცვის მინისტრის მოადგილე, თამარ გაბუნია, ვაქცინაციაზე დასარეგისტრირებელი პორტალის გაუმართაობაზე საუბრობს და აცხადებს, რომ "ძალიან მაღალკვალიფიციური სპეციალისტების ხელშია საიტის ტექნიკური უზრუნველყოფის მხარე და მსგავსი ხარვეზები აღარ განმეორდება".

"ტექნიკური გაუმართაობიდან გამომდინარე და იმის საჭიროებიდან, რომ პრევენციული ზომები მიგვეღო, ჯანდაცვის სამინისტრომ დახმარებისთვის მიმართა სხვადასხვა შესაბამის უწყებას. დღეს ძალიან მაღალკვალიფიციური სპეციალისტების ხელშია საიტის ტექნიკური უზრუნველყოფის მხარე, ასევე მისი დაცვის საკითხიც და ვფიქრობთ, მსგავსი ხარვეზები აღარ განმეორდება", - განაცხადა გაბუნიამ საზმაუს ეთერში.