ლონდონის უნივერსიტეტის კოლეჯის მეცნიერებმა, რომლებიც იმ 3700-ზე მეტ პაციენტს გაესაუბრნენ, რომლებსაც COVID-19-ის გახანგრძლივებული მიმდინარეობა აღენიშნებოდათ.

გამოკითხვის შედეგების შეჯამების შემდეგ, მათ აღმოაჩინეს 203 სიმპტომი, რომლებიც ადამიანის ათი ორგანოს მუშაობაზე გავლენას ახდენს, რომელთაგან 56-ს ყველაზე აქტიური გამოვლინება ჰქონდა.

კვლევის თანახმად, დაავადება გავლენას ახდენს ადამიანის 10 ორგანოზე, მათ შორისაა გული, ფილტვები, თავის ტვინი და ნაწლავები.

მკვლევარებმა აღწერეს, რომ დაავადებას ასევე შეუძლია, გავლენა მოახდინოს მხედველობაზე და სმენაზე, ასევე რეპროდუქციულ და გამოყოფის სისტემებზე. მეცნიერთა აზრით, ზოგიერთ პაციენტი უჩიოდა ჰალუცინაციებს, ცნობიერების დაბინდვას, ასევე, ბევრად უფრო იშვიათად, სექსუალურ დისფუნქციასა და სარტყლისებრ სირსველს.

სტატიაში ნათქვამია, რომ გამოკითხულ პაციენტთა 96%-ს სიმპტომები მინიმუმ 3 თვის განმავლობაში ჰქონდა, ხოლო 65% -მა განაცხადა, რომ სიმპტომები ექვს თვემდე შეუნარჩუნდა. ამასთან, აღინიშნა, რომ მძიმე დატვირთვის ან სტრესის შემდეგ პაციენტებში რეციდივს ჰქონდა ადგილი.