ჰომოფობიური და ძალადობრივი ჯგუფის ლიდერი, გურამ ფალავანდიშვილი ამბობს, რომ გაუხარდა, როცა ღირსების მარშის შესახებ საქართველოს პრემიერის, ირაკლი ღარიბაშვილის განცხადება მოისმინა.

"ღარიბაშვილმა თქვა, და არა მარტო ღარიბაშვილმა, ეკლესიამაც, რომ თუ მოხდება პრაიდის გამოსვლა, ჩვენ არ ვართ დაზღვეული, რომ არ მოხდეს გამოუსწორებელი მსხვერპლი თუ შეტაკება დავარქვათ, ეს ხომ ყველამ თქვა და მარტო მე ვთქვი? როდესაც ღარიბაშვილმა თქვა, რომ ის არ დაიცავს თბილისი პრაიდის არცერთ ლოკაციაზე ღია მსვლელობას, მე ეს გამიხარდა. რა თქმა უნდა, მერჩივნა ეთქვა, რომ კი არ დავიცავთ, მათ დავაპატიმრებთ, რადგან ისინი აწყობენ პროვოკაციას, მაგრამ გამიხარდა იმიტომ, რომ მან ხალხი შეიცოდა, რომ არ ყოფილიყო მსხვერპლი", - ამბობს ფალავანდიშვილი.