საქართელოში აშშ-ის ელჩის კელი დეგნანის განცხადებით, პარლამენტს მოსამართლეთა დანიშნვის პროცესის შეჩერება შეეძლო, თუმცა ეს არ გააკეთა, რის გაომც ამერიკელი პარტნიორები ძალიან იმედგაცრუებულები არიან. დეგნანის თქმით, აშშ-ის სახელმწიფო დეპარტამენტის განცხადება წუხილის გზავნილია საქართველოსთვის:

"სანქციები ბევრი შესაძლო ბერკეტიდან ერთ-ერთია. ვფიქრობ საელჩოს, აშშ-ს სახელმწიფო დეპარტამენტისა და აშშ-ს სახელმწიფო მდივნის განცხადებებიდან ნახეთ, რომ ჩვენ ძალიან იმედგაცრუებული ვართ ამ პროცესით, მას შემდეგ, რაც ბევრი შეხვედრის შემდეგ მოსამართლეების დანიშვნის შეჩერებას ვითხოვდით.

ეს ის იყო, რაზეც საქართველოს პოლიტიკური ლიდერები, მმართველი პარტიის ჩათვლით, შეთანხმდნენ, რომ დანიშვნები შეჩერებული იქნებოდა მანამ, სანამ მრავალპარტიული ინკლუზიური სასამართლო რეფორმა არ გატარდებოდა, რაც ჯერ არ მომხდარა. ამიტომაც ვართ მოსამართლეთა დანიშვნით იმედგაცრუებულები. პარლამენტს შეეძლო პროცესი შეეჩერებინა, მაგრამ ამაზე უარი თქვეს.

ვიტყოდი, რომ აშშ-ს განცხადებები, სახელმწიფო მდივნის ჩათვლით, არაა ნაჩქარევად გაკეთებული. ესაა წუხილის გზავნილები საქართველოსთვის, სტრატეგიული პარტნიორისთვის, რაც სერიოზულად უნდა იყოს მიღებული და არ უნდა ჩაითვალოს ნაჩქარევად", - აცხადებს დეგნანი.