აშშ-ის სახელმწიფო დეპარტამენტი 12 ივლისს მოსამართლეების დანიშნვას სპეციალური განცხადებით ეხმაურება, სადაც წერს, რომ პროცესი მთლიანად ეწინააღმდეგება 19 აპრილის შეთანხმებას. სახელმწიფო დეპარტამენტი მოუწოდებს საქართელოს ხელისუფლებას, გამჭვირვალე და ინკლუზიური სასამართლო რეფორმის ჩატარებამდე შეაჩეროს პროცესი, რადგან 19 აპრილის შეთანხმების არშესრულებამ, შესაძლოა, შეასუსტოს და შეამციროს პოლიტიკური და სოციალური ინსტიტუტების მდგრადობა:

"ევროპული საბჭოს პრეზიდენტის, შარლ მიშელის ეგიდით, ევროკავშირისა და შეერთებული შტატების მედიაციით მიღწეული 19 აპრილის შეთანხმებამ ხელმომწერ მხარეებს დააკისრა ვალდებულება, რომ უზენაეს სასამართლოში "ყველა მიმდინარე დანიშვნა" იქამდე შეეჩერებინათ, სანამ "სასამართლოს ამბიციური რეფორმა" ფართო, ინკლუზიური და მრავალპარტიული რეფორმის პროცესის გზით არ განხორციელდებოდა”.

მოვუწოდებთ საქარველოს ხელისუფლებას, შეასრულოს 19 აპრილის შეთანხმება, მათ შორის, უზენაეს სასამართლოში დანიშვნების შეჩერებით ყოვლისმომცველი, გამჭვირვალე და ინკლუზიური სასამართლო რეფორმის ჩატარებამდე. ეს არის ის, რაზეც საქართველოს პოლიტიკური ლიდერები, მათ შორის, მმართველი პარტია შეთანხმდა. ამის არ შესრულება კიდევ უფრო მეტად გამოუთხრის ძირს ქართული საზოგადოების და საერთაშორისო თანამეგობრობის ნდობას საქართველოს სასამართლოს მიმართ და რისკს შეუქმნის საქართველოს დემოკრატიულ განვითარებას. 19 აპრილის შეთანხმების არასრულმა შესრულებამ ასევე შესაძლოა შეასუსტოს ინვესტორების ნდობა და შეამციროს საქართველოს პოლიტიკური და სოციალური ინსტიტუტების მდგრადობა",- წერია მიმართვაში.