საკმარისი არაა, დაგმოთ ძალადობა, საქართველოს პარლამენტის ვალდებულებაა, ქართველი ხალხი მის პოლიტიკურ ინტერესებზე წინ დააყენოს - ევროპარლამენტარები 5 ივლისის თავდასხმებზე

პოლიტიკა - 15:48, 14 Jul, 2021

1348

ევროპარლამენტარების ონალინ კონფერენციაზე, რომელსაც საქართველოს პარლამენტის თავმჯდომარე და დეპუტატებიც ესწრებოდნენ, 5 ივლისის მოვლენებთან დაკავშირეით საკმაოდ მწვავე შეფასებები გაკეთდა.

ევროპარლამენტარების თქმით, საქართველოს ხელისუფლებამ ყველაფერი უნდა გააკეთოს თავისი ქვეყნის მოქალაქეების დასაცაავად და ეს მისი უპირობო ვალდებულებაა:

"მინდა მოკლედ შევეხო გასული კვირის ტრაგიკულ მოვლენებს. მოხარული ვარ, რომ საქართველოს პარლამენტის სპიკერმა დაგმო ძალადობა, თუმცა ვფიქრობ, რომ მან არ დაგმო ძალადობა ლგბტქ პირების წინააღმდეგ. ეს არის ის, რაც საქართველოს ხელისუფლებაში მყოფებმა პირებმა უნდა გააკეთონ, რადგან არ არის საკმარისი დაგმო ძალადობა მხოლოდ ჟურნალისტების წინააღმდეგ ან ზოგადად დაგმო ძალადობა.

ევროპული თვალსაზრისით უმცირესობის დაცვა არის მთავრობის უპირობო ვალდებულება. რა თქმა უნდა მნიშვნელოვანია ჟურნალისტების წინააღმდეგ ძალადობის დაგმობა, თუმცა ეს არ არის საკმარისი თუ არ იტყვი, რომ ლგბტქ პირების წინააღმდეგ ძალადობა, შევიწროება, დისკრიმინაცია აბსოლუტურად მიუღებელია და ამ თემის ყველა წევრის დაცვა უზრუნველყოფილია მთავრობის მხრიდან," - განაცხადა ევროპარლამენტარმა სვენ მიქსერმა.

"საქართველოში რთული პოლიტიკური გარემოა. დიდია პოლარიზაცია. 5 ივლისის მოვლენები სიტუაციას, კიდევ უფრო ართულებს, მინდა გითხრათ, რომ დემოკრატია ნიშნავს პოლიტიკურ პასუხისმგებლობას. მივმართავ პარლამენტის ყველა წევრს, გადადეთ გვერდზე პოლიტიკური ინტერესები, წინა ხაზზე უნდა იდგეს ქართველი ხალხის ინტერესები. ცხადია პოლიტიკური ხედვები ყველას სხვადასხვა გაქვთ, მაგრამ პარლამენტის წევრები ხართ და პრაქტიკული სამუშაო უნდა გასწიოთ.

გავიმეორებ ჩემი კოლეგის სიტყვებს, ჩვენ აქ ვართ, არა იმიტომ რომ გასწავლოთ არამედ გამოცდილება გაგიზიაროთ. საჭიროების შემთხვევაში კი დაგეხმაროთ,"- აღნიშნა მარინა კალიურანდმა.

„ყველამ ვნახეთ ის ძალადობრივი თავდასხმები 5 ივლისს. აუცილებელია განსხვავებული აზრების კონსენსუსი მოხდეს მშვიდობიანი და კონსტრუქციული გზით. ეს აუცილებელია მოხდეს ყველა დონეზე იქნება ეს სახელისუფლებო, თუ საზოგადოებრივი. საქართველოს პარლამენტის ვალდებულებაა, რომ მოგვცეს ტოლერანტობის მაგალითი, სადაც პატივს სცემენ განსხვავებულ მოსაზრებებს და იქნება ღია კომპრომისი. ეს იქნება ფუნდამენტური ნაბიჯი ევროპული გზისკენ,“ - განაცხადა ვიოლა ფონ კრამონმა.