"ნარკოდამოკიდებული რომც ყოფილიყო, ეს ძალადობას ვერ გაამართლებს.."

"ნარკოდამოკიდებული რომც ყოფილიყო, ეს ძალადობას ვერ გაამართლებს.." - ნანა გეგეჭკორი ლაშქარავაზე

საზოგადოება - 12:45, 14 Jul, 2021

2185

ამერიკაში მცხოვრები ექიმი-კარდიოლოგი, ნანა გეგეჭკორი , tv "პირველის" ოპერტორის, ლექსო ლაშქარავას გარდაცვალებას სოციალურ ქსელში ეხმაურება და წერს, რომ გარდაცვალების უშუალო მიზეზი ვერანაირად ვერ შეცვლის ფაქტს, რომ 5 ივლისს სახელმწიფომ და ეკლესიამ ამ ბიჭზე იძალადა.

მისივე თქმით, ნახევარ დღეში სამჯერ ზედოზირების და საიდანღაც მოპედით მორბენილი ნარკანით გადარჩენილი ნარკოტიკური ინტოქსიკაციის ვერსია სამედიცინო აბსურდია.

"ამ ისტორიაში ორი ამბავია მთავარი; ის რომ ლექსო ცოცხალი აღარ არის და ის რომ ჩვენ ვცხოვრობთ სახელმწიფოში, სადაც არავის სიცოცხლის უფლება არაა დაცული. მათ შორის იმ მონებისაც ვინც დღეს ჩვენზე ძალადობენ, ბატონის სურვილის შესაბამისად. მათაც გარანტირებული აქვთ პოლონიუმის ჩაი თუ ბატონის ნებას გადაუხვევენ.

P.S. ნახევარ დღეში სამჯერ ზედოზირების და საიდანღაც მოპედით მორბენილი ნარკანით გადარჩენილი ნარკოტიკური ინტოქსიკაციის ვერსია სამედიცინო აბსურდია. სამედიცინო განათლების არმქონე ადამიანისთვისაც ადვილად მისახვედრი აბსურდია. დეტალებში ამ თემის განხილვა რომ არც ღირს, ისეთი აბსურდული ვერსიაა სამედიცინო კუთხით.და კიდევ... ნარკოდამოკიდებული რომც ყოფილიყო, ეს ძალადობას ვერ გაამართლებს. ნარკოდამოკიდებულებს, დიაბეტიანებს, ინფარქტიანებს, ჯანმრთელებს, მოხუცებს, ახალგაზრდებს, ყველას თანაბრად აქვს სიცოცხლის უფლება. სახელმწიფო ვალდებულია ეს უფლება ყველასთვის თანაბრად უზრუნველყოს. ეკლესიას კი შეუძლია სულიერი სიმშვიდის პოვნაში დაეხმაროს იქ მისულ ადამიანებს, განსაკუთრებით მათ ვისაც ნარკო ან სხვა ტიპის დამოკიდებულების პრობლემა აქვს, თუ ასეთი ადამიანი მას მიაკითხავს საშველად." - წერს ამერიკაში მოღვაწე ექიმი ნანა გეგეჭკორი