რუსთავში, თორდიას ქუჩაზე 27 წლის მამაკაცი დანით მიყენებული ჭრილობებით გარდაიცვალა - ინფორმაციას "ინფო რუსთავი" ავრცელებს.

არსებული ცნობით, ახალგაზრდებს შორის კამათი ფიზიკურ დაპირისპირებაში გადაიზარდა, რა დროსაც ჩხუბში მონაწილე ერთ-ერთმა პირმა ორ ახალგაზრდა მამაკაცს დანით მრავლობითი ჭრილობები მიაყენა. 27 წლის კაცი მიყენებული დაზიანებებით ადგილზე გარდაიცვალა, 26 წლის დაჭრილი კი სასწრაფო დახმარების ჯგუფმა საავადმყოფოში გადაიყვანა. მისი მდგომარეობა მძიმეა, მამაკაცს გადაუდებელი ოპერაცია ჩაუტარდა.