საქართველოს მესამე პრეზიდენტი სოციალურ ქსელში ლექსო ლაშქარავას გარდაცვალების გამო კიდევ ერთხელ გამოთქვამს მწუხარებას და წერს, რომ კრიმინალების ბრბო ახლა სიკვდილის შემდგომ ლექსოს სახელის გაშავებას ცდილობს:

"ლექსო ლაშქარავას ბოლო ინტერვიუს ვუყურე.

რა ნორმალური, გონიერი, ადამიანური ბიჭი ყოფილა და ასეთ ადამიანებს სწირავენ საქართველოში. თანაც, ეს მართლა ნარკომანების და კრიმინალების ბრბო ცდილობს, როგორც ყველა დანარჩენი მათი მსხვერპლის, ლექსოს სახელისაც სიკვდილის შემდეგ გაშავებას.

მართლა დიდი დანაკარგია საქართველოსთვის ლექსო და უდიდეს სამძიმარს ვუცხადებ მის დედას, მის ოჯახის წევრებს და ყველა მის ახლობელს" - წერს სააკაშვილი სოციალურ ქსელში.