"ოცნების” ოფისთან დაკავებული “გირჩი – მეტი თავისუფლების” წევრი თენგო კირთაძე, გვიან ღამით პოლიციის განყოფილებიდან ინგოროყვას კლინიკაში გადაიყვანეს.

მისი თანაპარტიელების განცხადებით, თენგო კირთაძეს პოლიციელების მხრიდან მიყენებული აქვს გულმკერდის არეში დაზიანებები და ის მკურნალობას საჭიროებს.

"გულ-მკერდის არეში აქვს დაზიანებული მიღებული, ველოდებით რენდგენის პასუხს და ვნახავთ რა შედეგი იქნება. დაზიანება მიიღო დაკავებისას, მე როგორც ვხვდები, ღარიბაშვილის მთავრობა აგრძელებს თავის სადამსჯელო ოპერაციებს და ახლა უკვე მომიტინგეებისა და მხარდამჭერებს დაერია",- ამბობს "გირჩი-მეტი თავისუფლების" წევრი, იმედა კლდიაშვილი.

შეგახსენებთ, გუშინ აქცია "ქართული ოცნების" ოფისთან გაიმართა. აქტივისტებმა "ოცნების" შენობას საღებავები შეასხეს და კვერცხები ესროლეს. აქციის მონაწილეები ირაკლი ღარიბაშვილის გადადგომას ითხოვდნენ.