პრეზიდენტ ზურაბიშვილისა და სახალხო დამცველის ნინო ლომჯარიას შეხვედრა უკვე დასრულდა. შეხვედრის შემდეგ ომბუდსმენმა მედიასთან გააკეთა კომენტარი და აღნიშნა, რომ საუბარი ბოლო დროს ქვეყანაში მიმდინარე მოვლენებს ეხებოდა. მისი თქმით, არის საკითხები, რომელსაც პრეზიდენტი სწორად აფასებს, საუბარი კი ძალიან გულწრფელად წარიმართა:

"იყო ძალიან გულწრფელი საუბარი, პრეზიდენტი შეწუხებულა ყველა იმ საკითხით, რომელზეც ვისაუბრე, თუმცა მე მის ნაცვლად განცხადებებს ვერ გავაკეთებ.

ჩვენ გავუგეთ ერთმანეთს და ვფიქრობ, რომ არის საკითხები რომლებსაც ნამდვილად სწორად აფასებს. მე მასთან საუბარში ავღნიშნე, რომ დიდი მნიშვნელობა ექნება ახლა, ალბათ როგორც არასდროს, პრეზიდენტის პოზიციონირებას. ჩემი რჩევა იყო რომ ამ საკითხებთან დაკავშირებით, მითუმეტეს ასეთ დროს, ხშირად ჰქონდეს საზოგადოებასთან კომუნიკაცია და მისი გზავნილები უფრო ხშირად გაჟღერდეს" ამბობს ომბუდსმენი