სახალხო დამცველის ნინო ლომჯარიას შეფასებით, სახელმწიფო ორგანოები გარდაცვლილი და დაზარალებული ადამიანების რეპუტაციის შელახვას ცდილობენ. მისი თქმით, გამოძების ნაცვლად, სტრუქტურებს დავალებული აქვთ ჟურნალისტების დისკრედიტაცია:

"ამაზე განცხადება გააკეთა სახელმწიფო ინსპექტორის აპარატმა და შეაფასა, როგორც პერსონალური მონაცემების უფლების დარღვევა, და მიმაჩნია, რომ ნამდვილად, ეს იყო მცდელობა იმისა, რომ როგორც წარსულში, ახლაც დაზარალებულ და გარდაცვლილ ადამიანს შეულახონ რეპუტაცია. ეს იყო რეალურად ამის მიზეზი.

როგორ ჩანს, ამჯერადაც სახელმწიფო ორგანოები ცდილობენ არა დანაშაულის ობიექტურ გამოძიებას და ორგანიზატორების, შემსრულებლების და წამქეზებლების დასჯას, არამედ დისკრედიტაციას ნაცემი და გარდაცვლილი ჟურნალისტის", - განაცხადა ლომჯარიამ.