საერთაშორისო მედია ტვ პირველის ოპერატორის ლექსო ლაშქარავას გადაცვალების ფაქტს სპეციალურ სტატიებს უძღვნის. BBC-ის, Guardian-ისა და Reuters-ის სტატიებში ხაზგასმითაა აღნიშნული, რომ ლაშქარავა ჰომოფობიური აქციების დროს განხორციელებული თავდასხმის შედეგად მძიმე მდგომარეობაში იყო.

უცხოური მედია იმასაც წერს, პრემიერმა ღარიბაშვილმა ფაქტი წარმოუდგენელ ტრაგედიად შეაფასა, თუმცა, საზოგადოება მის გადადგომას მაინც ითხოვს, რადგან მას ჟურნალისტებისა და მედიის წარმომადგენლების წინააღმდეგ ძალადობის ორკესტრირებაში ადანაშაულებენ (BBC).

"ლაშქარავას სიკვდილმა საქართველოში უფლებადამცველები აღაშფოთა. ისინი ხელისუფლებას სიძულვილის ჯგუფების გამხნევებაში ადანაშაულებენ" - წერს Reuters.

"საქართველოს შინაგან საქმეთა სამინისტრომ კვირას მოკლე განცხადებაში აღნიშნა, რომ ლაშქარავას გარდაცვალების ფაქტზე გამოძიება დაიწყო.

უფლებადამცველებმა კვირას მოგვიანებით საპროტესტო აქცია გამართეს პრემიერ-მინისტრის, ირაკლი ღარიბაშვილის გადადგომის მოთხოვნით.

ცნობილმა ჟურნალისტებმა და ტელეწამყვანებმა ღარიბაშვილის მთავრობა ჟურნალისტების მიმართ ძალადობრივი კამპანიის ორგანიზებაში დაადანაშაულეს" - წერია Guardian-ის სტატიაში.