სათამაშო ხარ, მარიონეტი, სამარცხვინო და სულელიც. შენ გადადგები საკუთარი ნებით, ან ამ ქვეყნის თავისუფლებისა და ადამიანების მოყვარე ხალხი გადაგაგდებთ

სათამაშო ხარ, მარიონეტი, სამარცხვინო და სულელიც. შენ გადადგები საკუთარი ნებით, ან ამ ქვეყნის თავისუფლებისა და ადამიანების მოყვარე ხალხი გადაგაგდებთ - მოძრაობა "სირცხვილია" ღარიბაშვილს

პოლიტიკა - 16:35, 12 Jul, 2021

1278

მოძრაობა "სირცხვილია" პრემიერ ღარიბაშვილის დღევანდელ ბრიფინგს სპეციალური განცხადებით ეხმაურება. როგორც განცხადებაშია აღიშნული, ქვეყანას ქურდული მენტალიტეტის მქონე, მკვლელი და ჰომოფობი პრემიერი ჰყავს, რომელიც ივანიშვილის მითიებებს პირდაპირ ასრულებს:

"ვეხმაურებით მკვლელი ირაკლი ღარიბაშვილის სამარცხვინო ბრიფინგს. სამწუხაროა, რომ ქვეყნის პირველი პირი, ქვეყანაში დატრიალებული მრავალდღიანი ტრაგედიის შემდეგ, ისევ იცლის, რომ ამ ქვეყნის დემოკრატიული განვითარების მთავარ ხელშემწყობებს - მედიასა და სამოქალაქო აქტივისტებს დაემუქროს.

ჩვენ გვყავს ე.წ. “ქურდული” მენტალიტეტის მქონე, მკვლელი, ჰომოფობი და უღირსი პრემიერმინისტრი. ბიძინა ივანიშვილის პირდაპირი მითითებების ძალადობრივად შემსრულებელი, რომელიც ძალაუფლების ტკბობაში ისეთ ფსკერზე დაეშვა, რომ მისი ყველა სიტყვა უკიდურესად სამარცხვინო და დანაშაულის შემცველია.

ირაკლი ღარიბაშვილი, საპატრიარქოსთან კოორდინირებით, არის 5 ივლისს ძალადობის პირველი და ყველაზე დიდი გავლენის მქონე წამხალისებელი. ის არის პასუხისმგებელი ყველა დაღვრილ სისხლზე, ლექსო ლაშქარავას მკვლელობაზე.

ირაკლი ღარიბაშვილი მისნაირივე ბინძური მეთოდებით ებრძვის ამ ქვეყნის დემოკრატიულ და დასავლურ კურსს, ის არც კი ცდილობს, დამალოს თავისი ძალადობრივი მიდრეკილებები და სჯერა, რომ მის ერთ სიტყვას ამ ქვეყანაში ყველა დაემორჩილება.

ირაკლი ღარიბაშვილო, მკვლელო, ჰომოფობო, შენი ადგილი რუსეთშია. ამ ქვეყანაში შენ არც აწმყო გექნება და არც მომავალი.

თქვენი ხელისუფლებაში ყოფნის მე-10 წელია და ისევ არ გრცხვენიათ, სხვა ძალებს დააბრალოთ ის, რასაც თავად აშავებთ. თქვენი პასუხისმგებლობაა ამ ქვეყანაში თითოეული მოქალაქის ჯანმრთელობისა და სიცოცხლის დაცვა.

თავად განაცხადე 5 ივლისს, დაძაბულობა იქნებაო და როდიდან აღკვეთთ დაძაბულობას 1 საპატრულო ეკიპაჟითა და შეუიარაღებელი პოლიციელებით? თქვენს პოლიციელებს თვალებში წიწაკის სპრეის ასხამდნენ მოძალადეები და თქვენი საპატრულო პოლიციის უფროსს, ვაჟა სირაძეს, ფეხებში უფეთქებდნენ ასაფეთქებლებს, არმატურის ნაგლეჯებსა და ლოდებს ისროდნენ და თქვენ ისევ გიბრუნდებათ ენა, რომ ყველაფერი მედიასა და სამოქალაქო აქტივისტებს გადააბრალოთ.

ირაკლი ღარიბაშვილო, მორჩი სხვების კუნთებზე ყურებას, რადგან შენ მხოლოდ არასრულწლოვან ბავშვებთან გაქვს დიდი გული, ისიც მაშინ, როდესაც შენი მფლობელის შვილი მოგიწოდებს.

სათამაშო ხარ, მარიონეტი, სამარცხვინო და სულელიც. შენ გადადგები საკუთარი ნებით, ან ამ ქვეყნის თავისუფლებისა და ადამიანების მოყვარე ხალხი გადაგაგდებთ"