ფრაქცია "ლელოს" წევრმა, სალომე სამადაშვილმა, პარლამენტის თავმჯდომარეს, კახა კუჭავას, საპარლამენტო სხდომაზე მიმართა:

"უცნაური განცხადებაა იმ პარლამენტის თავმჯდომარისგან, რომელსაც 2-ჯერ დაგახიეს თავზე ევროკავშირის დროშა, თქვენ ბატონო კახა და თქვენ საპარლამენტო უმრავლესობავ. ჟურნალისტებზე სანადიროდ მიუშვა მოძალადეები, თქვენი პრემიერმინისტრი დღეს დილიდან როგორ ბედავს და გვემუქრება, ემუქრება დამოუკიდებელი საქართველოს დამოუკიდებელ მედიას. ემუქრება ყველას, ვისაც დამოუკიდებელი აზრი გვაქვს ამ ქვეყანაში. სწორედ ამიტომ თქვენ დღეს აქ, ამ დარბაზში დარჩებით მარტო.

შეგახსენებთ, რომ ძალადობრივმა და ჰომოფობიურმა ჯგუფებმა 5-6 ივლისის მოვლენების დროს ევროკავშირის დროშა ორჯერ ჩამოხსნეს და დაწვეს.