მედიისა და სამოქალაქო საზოგადოების საპროტესტო აქცია პარლამენტის წინ დღესაც გაიმართება.

აქციის მონაწილეების მიერ მთავრობისთვის მიცემული ულტიმატუმის ვადა დღეს, 12:00 საათზე იწურება. ისინი პრემიერ-მინისტრის გადადგომას ითხოვენ და მთავრობის გადაწყვეტილებას სწორედ 12:00 საათამდე ელოდებიან.

შეგახსენებთ, რომ მედია ორგანიზაციების ორგანიზებით პარლამენტთან საპროტესტო აქცია გუშინ რამდენიმე საათის განმავლობაში მიმდინარეობდა. აქციის მონაწილეების განცხადებით, პროტესტი არ შეწყდება იქამდე, ვიდრე „ტვ პირველის“ ოპერატორის, ლექსო ლაშქარავას გარდაცვალების გამო, პრემიერ-მინისტრი და შს მინისტრი პოლიტიკურ პასუხისმგებლობას არ აიღებენ.