"ერთი სამძიმრის ღირსი არ იყო გარდაცვლილი ოპერატორი, რომელიც თქვენ ვერ დაიცავით და თქვენი ძალადობრივი, ანთებული კამპანიის შედეგად მოკვდა? "- ნოდარ მელაძის მიმართვა ხელისუფლებას

საზოგადოება - 22:38, 11 Jul, 2021

1819

ერთი სამძიმრის ღირსი არ იყო გარდაცვლილი ოპერატორი, რომელიც თქვენ ვერ დაიცავით და თქვენი ძალადობრივი, ანთებული კამპანიის შედეგად მოკვდა? - ამ სიტყვებით მიმართა ტვ პირველის საინფორმაციო სამსახურის ხელმძღვანელმა ნოდარ მელაძემ ხელისუფლების წარმომადგენლებს.
მან თქვა, რომ მედიასთან ომი არავის მოუგია:
"დღეს ყველაზე მძიმე დღეა, ვფიქრობ, რომ თითოეული მოქალაქისთვის უმძიმესი დღეა. ჩვენ დღეს კარგად უნდა გავაცნობიეროთ, რომ საქმე ეხება ძალადობისთვის მწვანე შუქის ანთებას. დღეს არ მოსწონთ ჟურნალისტები დასდევენ, სადარბაზოებში ქოლავენ მათ, ხვალ არ მოეწონებათ სხვა, ზეგ კიდევ სხვა და ასე ძალადობის წრეზე ვიტრიალებთ. დღეს უმძიმესი სურათი იყო რაც შსს-მ ჩაიდინა როცა გვამი გასტაცა დედას. იმის ნაცვლად, რომ ვინმე მისულიყო და დედისთვის, რომელსაც არ უნდოდა შვილი გაეკვეთათ, მას ჰქონდა თავისი არუმენტები ან ჩვენთვის აეხსნა, ეთხოვა, რომ გამოვიდოდით და ავუხსნიდით ოჯახს. ჩვენ გამოგვყარე იქედან საგამოძიებო მოქმედებების დაწყებისას. ეს არის გომელაურის და ღარიბაშილის სახე, მათ თქვეს, რომ გადაგვჯეგავე და გადაგვივლიან. მედიის ძალა ძლიერია და ამ ქვეყანაში მედიასთან ომი არავის მოუგია. ვერც თქვენ მოიგებთ.

მაინტერესებს სად არიან მდინარაძეები, ვოლსკები, პარლამენტის თავმჯდომარე, რომელმაც ევროკავშირის დამწვარი დროშა აღმართა. ერთი სამძიმრის ღირსი არ იყო გარდაცვლილი ოპერატორი, რომელიც თქვენ ვერ დაიცავით და თქვენი ძალადობრივი, ანთებული კამპანიის შედეგად მოკვდა? ალბათ კი, თუმცა სათქმელი არაფერი გაქვთ და გრცხვენიათ, რომ ემსახურებით იმ საზიზღობას რასაც ვუყურებთ...ყველაფერს აქვს დასასრული , თქვენნაირები გვინახავს, მოსულები და წასულები, ყველაფერს აქვს დასასრული" - თქვა ნოდარ მელაძემ.