აზერბაიჯანელი ჟურნალისტი აფგან მუხთარლი​ ლექსო ლაშქარავას გარდაცვალებას ეხმაურება და ამბობს, რომ ეს "ქართულ დემოკრატიასა და გამოხატვის თავისუფლებაზე შეტევაა"

მისივე თქმით, სისხლიან საპროტესტო აქციაზე უფლებადამცველებისა და ჟურნალისტების მიზანში ამოღება არის ხელისუფლების მცდელობა, გააჩუმოს საპროტესტო ხმები და თავისუფალი მედია.

"ღრმად ვწუხვართ ჟურნალისტის ალექსანდრე ლაშქარავას მკვლელობის გამო. მე მიმაჩნია, რომ ეს მკვლელობა შეტევაა ქართულ დემოკრატიასა და გამოხატვის თავისუფლებაზე. საშინელება იყო ჟურნალისტის მოკვლა ღმერთისა და იესო ქრისტეს სახელით. იესომ თქვა: "გიყვარდეთ ერთმანეთი". ისინი, ვინც სიყვარულის ნაცვლად ძალადობას ირჩევენ, არ შეიძლება იყვნენ ქრისტეს მიმდევრები, ვერ იქნებიან...ივანიშვილის მთავრობა ეწინააღმდეგება ნებისმიერი სახის თავისუფლებას. თუ არ შეჩერდება რეჟიმი, რომელიც დღეს დარწმუნებით მიდის დიქტატურის გზაზე, ხვალ საქართველოში ფეხქვეშ იქნება თავისუფლება, ისევე როგორც აზერბაიჯანშია ახლა. ამ შემთხვევამ იუდა ისკარიოტელი გამახსენა. იუდა იესოს მოწაფე იყო. როგორც ივანიშვილმა შეაფარა ეკლესიისა და სამღვდელოების ჩრდილი, იუდამაც შეაფარა თავი იესო ქრისტეს. ივანიშვილიც იგი იმავე გზას მიჰყვება, როგორც იუდა. იუდას მსგავსად, ივანიშვილი ყიდის თავისუფლებას და სიყვარულს მთავრობასა და მილიონებს, რომელიც მოპარა ხალხს. ეჭვი არ შეგეპაროთ, რომ ის ხვალ გაყიდის ეკლესიას, სადაც თავს აფარებდა", - წერს აფგან მუხთარლი.