,,დემურ გიორხელიძემ (ანალიტიკოსმა) სასტიკად გალანძღა ევროკავშირის ელჩი დიმიტროვი, იმის გამო, რომ იგი საქართველოს ხელისუფლებას შერჩევითი სამართლის არ დაშვებისკენ მოუწოდებს. გიორხელიძე ამას ქვეყნის საქმეებში ჩარევად თვლის, რისთვისაც თურმე ქართველები მას სათანადო პასუხს უნდა სცემდნენ.

დემოკრატიული სამყაროს მხრიდან ასეთი "ჩარევები" რომ არა, საქართველოში არც წინა ხელისუფლების და არც ამჟამინდელის პირობებში დემოკრატიის ფასადიც კი არ იარსებებდა და სრული თვითნებობა იქნებოდა გამეფებული, მდგომარეობა იქნებოდა გაცილებით, გაცილებით უარესი.

ჩვენი ხელისუფლებები იძულებული არიან ანგარიში გაუწიონ რაღაც ნორმებს, თუნდაც ზოგჯერ და თუნდაც ზედაპირულად და ეს რომ ასე არ იყოს, ვერ ვიცხოვრებდით ასე თუ ისე ცივილიზაციის ნიშნების მქონე სივრცეშიც კი ( თუნდაც ცუდში), სადაც ახლა ვცხოვრობთ. ეს წესით "ანალიტიკოსს" უნდა ესმოდეს. საერთოდ ადამიანის უფლებები და დემოკრატიის ძირითადი პრინციპები არც ერთი ქვეყნის შინაური საქმე არ არის და არც სხვის საქმეში ჩარევას არ შეიძლება წარმოადგენდეს; პირიქით, ასეთი "ჩარევები" ჩვენივე ინტერესშია, თუ , რა თქმა უნდა" ბატონი ანალიტიკოსი არ ფიქრობს, რომ რუსულ სივრცეში უნდა დავბრუნდეთ და საბჭოური წესებით ვიცხოვროთ“, - წერს თამარ ჩხეიძე სოციალურ ქსელში.