ყოფილი პრემიერმინისტრი გიორგი გახარია TV პირველის ოპერატორის, ლექსო ლაშქარავას გარდაცვალებას ეხმაურება, რომელსაც 5 ივლისს, ძალადობრივი ჯგუფები სასტიკად გაუსწორდნენ.

გახარია გარდაცვლილის ოჯახს სამძიმარს უცხადებს და ამბობს, რომ ახლა მნიშვნელოვანია, კითხვებს დროულად გაეცეს პასუხი.

"მთელი გულით ვიზიარებ ტკივილს, ვუსამძიმრებ ლექსო ლაშქარავას ოჯახს და ტელეკომპანია პირველს. ახლა ყველაზე მნიშვნელოვანია, ყველა კითხვას დროულად გაეცეს პასუხი", - წერს გახარია.

შეგახსენებთ, ტვ პირველის ოპერატორი, ლექსო ლაშქარავა, რომელიც 5 ივლისს სიძულვილის ჯგუფების მიერ სირცხვილიას ოფისის დარბევისას მათგან ძალადობის მსხვერპლი გახდა, გარდაიცვალა.

შსს-მ ლექსო ლაშქარავას გარდაცვალების საქმეზე გამოძიება თვითმკვლელობამდე მიყვანის მუხლით დაიწყო.