ხაზარაძე-ჯაფარიძე-წერეთლის დღევანდელ პროცესზე პროკურატურის კიდევ ერთმა მოწმემ ბრალდებულების სასარგებლო ჩვენება მისცა.

სხდომაზე ზაალ ბერუაშვილი იკითხებოდა, რომელიც წარსულში ხაზარაძე-ჯაფარიძის კომპანიასთან თანამშრომლობდა და ფინანსური რისკების შემფასებელი იყო. მოწმის განცხადებით, საქმეზე ფულის გათეთრების ნიშნები არ შეუმჩნევია:

"არაფერი არ დამინახავს, რაც არ მინახია, ვერც ვნახავდი", - განაცხადა ბერუაშვილმა.

ცნობისთვის, პროკურატურის სხვა მოწმეებმაც პროცესებზე ასევე ბრალდებულების სასარგებლო ჩვენება მისცეს, რაც არ ტოვებს იმის საფუძველს, რომ ფულის გათეთრების საქმეზე ხაზარაძე, ჯაფარიძე და წერეთელი დამნაშავედ ცნონ.