ცენტრალურმა საარჩევნო კომისიამ 2021 წლის თვითმმართველობის არჩევნების მზადების პროცესის ფარგლებში პოლიტიკურ პარტიებს ნომრები მიანიჭა.

"ქართულ ოცნებას", "ნაციონალურ მოძრაობასა" და "გირჩს" ისევ მათთვის აქამდე მინიჭებული ნომრები დარჩათ, დანარჩენმა პარტიებმა კი ნომრებთან დაკავშირებით თავისი არჩევანი გააკეთეს. სია შემდეგნაირად გამოიყურება:

• გიორგი ვაშაძე - სტრატეგია აღმაშენებელი - 1
• ევროპული საქართველო - მოძრაობა თავისუფლებისთვის - 2
• მოძრაობა სახელმწიფო ხალხისთვის - 4
• საქართველოს ევროპელი დემოკრატები - 6
• ალეკო ელისაშვილი - მოქალაქეები - 7
• საქართველოს პატრიოტთა ალიანსი - 8
• ლელო საქართველოსთვის - 9
• საქართველოს ლეიბორისტული პარტია - 10
• საქართველოს რესპუბლიკური პარტია - 11
• კანონი და სამართალი - 12
• პროგრესი და თავისუფლება - 21

"საქართველოს ორგანული კანონის „საქართველოს საარჩევნო კოდექსის 38[1] მუხლის შესაბამისად, რიგითი ნომრის მოთხოვნის მიზნით, უფლებამოსილმა პოლიტიკური გაერთიანების წარმომადგენელმა ცესკოში უნდა წარმოადგინოს განცხადება არაუგვიანეს მიმდინარე წლის 17 ივლისისა.

თუ პოლიტიკური გაერთიანება არ გამოიყენებს აღნიშნულ უფლებას და არ მომართავს ცესკოს განცხადებით რიგითი ნომრის მოთხოვნის შესახებ, მას რიგითი ნომერი მიენიჭება წილისყრით, არჩევნების დღემდე არაუგვიანეს 55 დღისა" - ნათქვამია ცესკო-ს ინფორმაციაში.