პარლამენტის თავმჯდომარის მოადგილემ არჩილ თალაკვაძემ ჟურნალისტების კითხვაზე, რომელიც პარლამენტის წინ მოძალადე ჯგუფების მიერ ჯვრის აღმართვას შეეხებოდა, უპასუხა, რომ მედიის წარმომადგენლები შეწუხებულები არიან ჯვრის დანახვით, თუმცა მას ეს შეწუხება არ დაუნახავს, როცა საკანონმდებლო ორგანოსთან კარვები და ბანერები იყო გამოკრული:

"იძაბებით ჯვრის დანახვაზე? თქვენ ხართ მედია, რომელმაც საზოგადოებას ობიექტური ინფორმაცია უნდა მიაწოდოს. ამ კითხვას რომ მისვამთ, ვხვდები, შეწუხებული ხართ იმით, რომ პარლამენტის წინ ვინმემ ჯვარი დადგა, მაგრამ წინა პერიოდში არ მახსოვხართ შეწუხებული, როცა თვეების განმავლობაში აქ ცარიელი კარვები და სააკაშვილის დაბრუნების კომიკური ბანერი იდგა" - უთხრა თალაკვაძემ ჟურნალისტებს.