დაავადებათა კონტროლის ცენტრის ხელმძღვანელის ამირან გამყრელიძის განცხადებით, დღეიდან "სინოვაკით" ვაქცინაციისთვის რეგისტრაცია დაიწყება. ამჟამად კი მიმდინარეობს "სინოფარმით" აცრის პროცესი. გამყრელიძის თქმით, ივლისის მეორე ნახევრიდან ქვეყანაში "ფაიზერის" ვაქცინაც შემოვა:

"დღეს მიმდინარეობს აცრები ძირითადად "სინოფარმით" და ასევე დღეს გაიხსნება "სინოვაკის" პირველ დოზებზე აცრები და რამდენიმე დღეში დარწმუნებული ვარ, გაიხსნება "ასტრაზენეკათი" და კიდევ შემოვა თვის მეორე ნახევარში "ფაიზერი". 4 ვაქცინით იქნება აცრები ქვეყანაში ივლისის მეორე ნახევრიდან, რაც ძალიან დიდი პასუხისმგებლობაა ერთი მხრივ და მეორე მხრივ, ადამიანებს ეძლევათ არჩევანი", - განაცხადა გამყრელიძემ.