ენმ-ს წევრის აკაკი მინაშვილის განცხადებით, "ფრაქცია "ნაციონალური მოძრაობა - ძალა ერთობაშია" მხარს არ დაუჭერს ორ წარდგენილ კანდიდატს, გიორგი კალანდარიშვილსა და გიორგი სათურიანს. როგორც მინაშვილმა აღნიშნა, ორივე მათგანი ჟვანიასა და ოცნებას წარმოადგენენ და 2020 წლის საპარლამენტო არჩევნების გაყალბებაში მონაწილეობას იღებდნენ:

"ძალიან სამწუხაროა, რომ გამართლდა ჩვენი ეჭვები და მოლოდინი იმასთან დაკავშირებით, რომ "ქართული ოცნება" საარჩევნო კოდექსში შესატან ცვლილებებს გამოიყენებდა ფიქციისა და რეფორმის იმიტაციისთვის. ამ ფაქტმა, კიდევ ერთხელ დაადასტურა, რომ მანამ სანამ საქართველოს მართავს "ქართული ოცნება" ქვეყანაში ვერ გატარდება აუცილებელი და საჭირო ცვლილებები", - განაცხადა მინაშვილმა.