რადიკალური მოძრაობა "თალიბანის" წევრებმა მოსკოვში გამართულ პრესკონფერენციაზე განაცხადეს, რომ ავღანეთის უმეტეს ნაწილს აკონტროლებენ, გარდა დედაქალაქ ქაბულის და მის შემოგარენისა.

მათი თქმით, ავღანეთის ტერიტორიიდან უცხო ქვეყნების კონტინგენტის უსაფრთხო გაყვანა გარანტირებული იქნება და არ აპირებენ იმ ავღანელი თარჯიმნების დევნას, რომლებიც აშშ-ზე მუშაობდნენ.

ამჟამად მოძრაობა ქაბულთან ცეცლის შეწყვეტის საკითხს განიხილავს.

პრესკონფერენციაზე "თალიბანის" წევრებმა ასევე აღნიშნეს, რომ ქალთა შრომისა და განათლების უფლებები დაცული იქნება, თუ ისინი ისლამს არ ეწინააღმდეგება.

ავღანეთიდან აშშ-ის სამხედროების გაყვანის შესახებ ინიციატივა აშშ-ის ყოფილ პრეზიდენტს დონალდ ტრამპს ეკუთვნის, რომელიც შემდეგ ჯო ბაიდენმა განახორციელა.