ტაივანის საელჩოს ტერიტორიაზე ჰაიტის პრეზიდენტის მკვლელობაში ეჭვმიტანილი 11 პირი დააკავეს

მსოფლიო - 16:52, 09 Jul, 2021

2097

ჰაიტიზე, ტაივანის საელჩოს ტერიტორიაზე, დაკავებულია 11 ადამიანი, რომელიც ჰაიტის პრეზიდენტის ჟოვენელ მოიზასა და მისი მეუღლის მკვლელობაშია ეჭვმიტანილი. 9 ივლისს, დილით, ჰაიტის სამართალდამცველებმა ტაივანელ დიპლომატებს აცნობეს, რომ მათ ტერიტორიაზე ეჭვმიტანილების დაკავება მოხდებოდა, რაზედაც საელჩომ თანხმობა განაცხადა.

რამდენიმე ხნით ადრე, კოლუმბიის თავდაცვოის სამინისტრომ განაცხადა, რომ პრეზიდენტის მკვლელობაში 28 ადამიანი მონაწილეობდა. ამ დროისთვოის სპეცოპერაციების შედეგად დაკავებულია 17 და ლიკვიდირებულია 7 ადამიანი.

დაკავებულები აცხადებენ, რომ მათ გეგმებში პრეზიდენტის მკვლელობა არ შედიოდა. დაქირავებულებს მოიზა უნდა დაეპატიმრებინათ და იგი სასამართლოს წინაშე უნდა წარმსდგარიყო. რომელ სასამართლოზეა საუბარი, ჯერჯერობით უცნობია.

დაკავებულებს შორის ორი წარმოშობით ჰაიტელი აშშ-ის მოქალქეა. ისინი ბოევიკების ოპერაციაში თარჯიმნის როლს ასრულებდნენ. ერტერთი მათგანი აცხადებს, რომ სამსახური ინტერნეტის მეშვეობით მოძებნა და ჰაიტიზე ერთი თვის წინ ჩამოვიდა, ხოლო ორგანიზებული ჯგუფი ქვეყანაში 3 თვის წინ ჩამოყალიბდა.