ხმაური იყო ცოტა ხნის წინ ოზურგეთის აგრარულ ბაზარში, სადაც მოვაჭრეები და შემოსავლების სამსახურის თანამშრომლები ერთმანეთს დაუპირისპირდნენ. თვითმხილველების თქმით, შემოსავლების სამსახურის წარმომადგენლები სიტყვიერ შეურაცხყოფას აყენებდნენ მოვაჭრეებს. ადგილი ჰქონდა ფიზიკურ დაპირისპირებასაც.

ვითარება ადგილზე საპატრულო პოლიციის მისვლის შემდგომ განიმუხტა.

არსებული ინფორმაციით, შემოსავლების სამსახურის თანამშრომლები მოვაჭრეებისგან კონტრაბანდული სიგარეტების ამოღებას ცდილობდნენ. თავად მოვაჭრეები კი აცხადებენ, რომ მათ საკუთრებაში უცხო პირები შეიჭრნენ და მთლიანი საქონლის უკანონოდ მიტაცებას ცდილობდნენ, რის გამოც წინააღმდეგობა გაუწიეს.