ბიზნესმენი თემურ ჭყონია მთავრობის მიერ შემუშავებულ ეკონომიკის განვითარების 10-წლიან გეგმას აფასებს.

არ ვფიქრობ, რომ საქართველოში არიან ისეთი სპეციალისტები, რომლებსაც 10-წლიანი ეკონომიკური გეგმის შედგენა შეუძლიათ, – ამბობს ბიზნესმენი და აღნიშნავს, რომ გრძელვადიანი განვითარების დოკუმენტზე მუშაობისას, მსოფლიოში მიმდინარე ტენდენციების გათვალისწინება მნიშვნელოვანია, გეგმაზე კი ისეთი პირები უნდა მუშაობდნენ, რომელთაც სათანადო ცოდნა აქვთ.

„10-წლიანი განვითარების გეგმა, როგორც გავიგე, უწყებებში გადანაწილდა, ასეთი პროცესი კომუნისტების დროს არსებობდა. უწყებები ადგენდნენ გეგმებს ფურცელზე, მერე ვიღაც შეაჯამებდა და ამ გეგმას წარმოადგენდნენ. 10-წლიანი გეგმის შედგენისას უნდა ვიცოდეთ, ვინ ადგენს ამ გეგმას – რამდენად კომპეტენტურები არიან და რამდენად დიდი გამოცდილება აქვთ. არ ვფიქრობ, რომ საქართველოში არიან ისეთი სპეციალისტები, რომლებსაც 10-წლიანი ეკონომიკური გეგმის შედგენა შეუძლიათ. არავის შეურაცხყოფას არ ვაყენებ, უბრალოდ, მე ასე მგონია. მათაც ხომ აქვთ ჩემზე ცუდი ან არასრულყოფილი წარმოდგენა, იგივე მაქვს მეც“, – აცხადებს თემურ ჭყონია.