ტემპერატურის მატებასთან ერთად, ადამიანის ჯანმრთელობისთვის სახიფათო არაერთი დაავადების გადამტანი ჰექტოპარაზიტები აქტიურდებიან. ამ მხრივ განსაკუთრებით საყურადღებოა ყირიმ-კონგოს ჰემორაგიული ცხელება.

დაავადების თავიდან აცილების მიზნით, სურსათის ეროვნული სააგენტო მოსახლეობას მოუწოდებს:

• გაზაფხულიდან ადრეულ შემოდგომამდე ცხოველები ინსტრუქციის შესაბამისად, უსაფრთხოების წესების დაცვით, ინსექტოაკარიციდული პრეპარატით დაამუშაონ;
• მინდორში მუშაობისას ატარონ დახურული ტანსაცმელი და ფეხსაცმელი;
• ცხოველებს ტკიპები ხელთათმანისა და პინცეტის გამოყენებით მოაშორონ;
• დაავადების გამოვლენის შემთხვევაში დაუყოვნებლივ მიმართონ ექიმს.

სააგენტოს ცნობით, მიმდინარე წელს სურსათის ეროვნული სააგენტოს სპეციალისტებმა ინსექტოაკარიციდული პრეპარატებით სამცხე-ჯავახეთსა და ქვემო ქართლის რეგიონებში, დაავადების გამოვლენის კერებში, 5 000-ზე მეტი სული მსხვილფეხა პირუტყვი დაამუშავეს.