საპატრიარქოს საზოგადოებასთან ურთიერთობის სამსახურის უფროსის ანდრია ჯაღმაიძის განცხადებით, 5-6 ივლისის მოვლენები ძალიან მძიმე სანახავი იყო და მოვლენები მათთვის მოულოდნელი სცენარით განვითარდა. როგორც ჯაღმაიძემ განმარტა, ეკლესია ძალიან ფრთხილობდა, რათა პროცესები უმართავი არ გამხდარიყო:

"ძალიან მძიმე სანახავი იყო და მოულოდნელი იყო ასეთი ქმედებები, თუმცა ჩვენ ვვარაუდობთ, რომ რადგანაც საზოგადოება იყო ძალიან დაძაბული დაზაფრული, წინასწარ ისმოდა მუქარა, ორივე მხრიდან იყო შეურაცხმყოფელი განცხადებები, ჩვენ ძალიან ვფრთხილობდით და ვცდილობდით ხმა მიგვეწვდინა ყველასთვის, რომ შეიძლება პროცესები უმართავი ყოფილიყო", - განაცხადა ჯაღმაიძემ.