ორბელიანების სასახლეში პრეზიდენტისა და შს მინისტრის შეხვედრა უკვე დასრულდა. როგორც გომელაურმა შეხვედრის შემდეგ ჟურნალისტებთან განაცხადა, პრეზიდენტთან საუბარი 5-6 ივლისის მოვლენებზე ჰქონდა და მან ზურაბიშვილი საქმის კურსში ჩააყენა, თუ რა ღონისძებები ჩატარდა ძალადობის აღმოსაფხვრელად:

"ქალბატონ პრეზიდენტს შევხვდით, მოვახსენეთ. მას აინტერესებდა რა მოვლენები, როგორ განვითარდა 5-6 ივლისის მოვლენები. ჩავაყენეთ საქმის კურსში, თუ რა ღონისძიებები ჩატარდა, რა გავაკეთეთ ჩვენ, რამდენი ადამიანი დაშავდა, მათ შორის, სამწუხაროდ რამდენი ჟურნალისტი დაშავდა, რამდენი გამოძახება იყო, რას ვაკეთებთ, რამდენი ადამიანი გვყავს დაკავებული სისხლით და ადმინისტრაციულად, ეს ყველაფერი დაწვრილებით მოვახსენეთ პრეზიდენტს", - თქვა გომელაურმა.