მათი განცხადებით, იმ პერიოდში, როდესაც ხუხაშვილი პრემიერ მინისტრის ეკონომიკური მრჩეველი იყო, ის ბადრი პატარკაციშვილის ოჯახს და ვანო ჩხარტიშვილს შორის არსებულ ფინანსური დავის მოგვარებაში იყო ჩართული.

გაბუნიას თქმით, მას შემდეგ რაც მან ამ ფაქტზე განცხადება გააკეთა ხუხაშვილმა მას დაურეკა და დაემუქრა. ამას გარდა კერძო შეხვედრების ფარული ჩანაწერები მათ წინააღმდეგ გამოიყენა. ადვოკატების ბრალდებებთან დაკავშირებით, გია ხუხაშვილმა კომენტარის გაკეთება არ ისურვა.

"ამ მუქარის ზარის გარდა, მან ჩაიწერა ჩემი საუბარი აუდიო ჩანაწერი გააკეთა და შემდგომ ეს აუდიო ჩანაწერი გამოიყენა უკანონოდ. მინდა გითხრათ, რომ გია ხუხაშვილს არ ჰქონდა უფლებამოსილება ესეთი ჩანაწერის გაკეთების უფლება მხოლოდ კანონით გათვალისწინებულ სუბიექტებს აქვთ და არა პრემიერის ეკონომიკურ მრჩეველს. ჩაწერა ერთია, მაგრამ სამართლებრივი შეფასებისთვის დანაშაულის ნიშნები შეიძლება იყოს იქ, რომ მისი უკანონო გამოყენება არის დასჯადი“, - აცხადებს დიმიტრი გაბუნია.

ზაზა ხატიაშვილი ინტერესდა თუ რა ფორმით ჩაერთო ფინანსურ გარიგებებში პრემიერის მრჩეველი. "პრემიერ მინისტრის ეკონომიკური მრჩეველი რა ფორმით, რისთვის მონაწილეობდა ფინანსური გარიგების მონიტორინგში, ან რატომ იღებდა მონაწილეობას ორ ფინანსურ სუბიექტთა შორის მოლაპარაკების პროცესში. თუ მთავარი პროკურატურა ბატონ გია ხუხაშვილს და მის თანამზრახველებს სავარაუდოდ ეს არის ლაშა ნაცვლიშვილი არ მისცემს პასუხისგებაში, მოვითხოვთ, ევროპის ადვოკატთა ასოციაციამ განიხილოს პლენალურ სხდომაზე ადვოკატის შეურაცხყოფის ფაქტი", - აცხადებს ზაზა ხატიაშვილი.