პარტია "საქართველოსთვის" ლიდერი და ყოფილი პრემიერი , გიორგი გახარია, ქვეყანაში ბოლო დღეებში განვითარებული მოვლენები შეაფასა და თითოეულ რიგით პოლიციელს ბოდიში მოუხადა.

როგორც გახარია განმარტავს, წინასწარ სპეციალური მუშაობით, სპეციალური ღონისძიებებით ეს ყველაფერი არიდებადი იყო.

"თითოეულ რიგით პოლიციელს მინდა, ბოდიში ვუთხრა მარტივი მიზეზის გამო, მე მაინც კარგად ვიცი, როდესაც მმართველი ძალა ამბობს, ჩვენ ეს ყველაფერი ვიცოდით წინასწარო, მე ხომ ვიცი, ამ პოლიციელებთან ერთად ამის პრევენცია როგორ უნდა მომხდარიყო. ამას სჭირდებოდა წინასწარ სპეციალური მუშაობა, სპეციალური ღონისძიებების ჩატარება და ეს ყველაფერი არიდებადი იყო. ეს ყველაფერი ეკრანზე ჩანდა, რიგითი პოლიციელების თითოეული ქმედება და ნაბიჯი მათი ინდივიდუალური გადაწყვეტილების შედეგი იყო, როდესაც იცავდნენ ან მოქმედებდნენ ჩვენი მოქალაქეების ფიზიკური უსაფრთხოების დაცვის ინტერესებში. იმის გათვალისწინებით, ჩვენ რა შედეგებიც გვაქვს, რა თქმა უნდა, ერთადერთი დასკვნა შეიძლება, გავაკეთოთ – ის, რომ არასწორად იყო ორგანიზებული და არ იყო საკმარისი საპოლიციო ძალა“, – განაცხადა გიორგი გახარიამ.