ნიკა მელია: ქუჩაში მორბენალ ორკზე უარესია კაბინეტში გამოჯგიმული კუჭავა, რომელიც "ვიშვიშებს“ და "გმობს“ ძალადობას

პოლიტიკა - 16:21, 07 Jul, 2021

1175

ენმ-ის თავმჯდომარე ნიკა მელია საქართველოში ბოლო დღეებში განვითარებულ მოვლენებს ეხმაურება. იგი მიიჩნევს, რომ მოძალადეებზე საშიში ის მოქალაქეა, რომელსაც სჯერა, თითქოს ხელისუფლება მომხდარ ძალადობაში არაფერ შუაშია.
მელია ბრძოლის ახალ ეტაპს აანონსებს და აცხადებს, რომ ეს ბრძოლა ოქტომბერში გამარჯვებით დასრულდება.

"წლების განმავლობაში მომავალს საფრთხეს უქმნის ყველა მოძალადე, ქუჩაში შლეგად მორბენალი, მარბიელი ორკი. მოძალადეებზე უფრო საშიშია ყველა მოქალაქე, რომელიც იჯერებს რომ დარბევებში და ძალადობაში ხელისუფლება არაფერ შუაშია. ამ ხალხის „რწმენით“ იკვებება და სულდგმულობს ბიძინას ხელისუფლება. ქუჩაში მორბენალ ორკზე უარესია კაბინეტში გამოჯგიმული კუჭავა, რომელიც „ვიშვიშებს“ და „გმობს“ ძალადობას!ერთ მხარეს არიან ერთი მუჭა ხელისუფლებისგან გათავხედებული და გაქეზებული მოძალადეები, და მეორე მხარეს შეშინებული, დაზაფრული ხალხი.ჩვენ კიდევ ერთხელ გვიწევს არჩევანის გაკეთება და უნდა ავირჩიოთ:ან მოძალადეები და ექსტრემისტების სათარეშო ტერიტორია, ან ამაყი და გამბედავი საქართველოან ღარიბაშვილ-კობახიძე , ან მომავალიან ბიძინა, ან ჩვენი შვილების მომავალიან რუსეთი, ან ცივილიზაცია!წელს წერტილი უნდა დაესვას საქართველოს ნგრევას და დაესმება კიდეც. მომავალი კვირიდან დაიწყება ბრძოლა კონკრეტული გეგმით და ოქტომბერში დამთავრდებიან.წუწუნის და ნიშნის მოგების დრო არაა, ბრძოლის დროა და ეს ბრძოლა იქნება! ბევრი იქნება ამ ბრძოლაში და ვიღაც არა, მაგრამ გაიმარჯვებს ის ვინც ბრძოლაში იქნება!" - აცხადებს ნიკა მელია.