ჯანდაცვის მინისტრი ეკატერინე ტიკარაძე ჰომოფობიურ და ძალადობრივ აქციაზე მედიის 53 წარმომადგენლის ცემისა და პოლიციის უმოქმედობის ფონზე ამბობს, რომ საქართველოში მედია ნამდვილად დაცულია.

"ჩვენი ხელისუფლების პერიოდში მედია ნამდვილად არის დაცული და თავისუფალი. არ შეიძლება მხოლოდ 1 ფაქტის ინტერპრეტირება გლობალურად. მნიშვნელოვანია, რომ დავაკვირდეთ მოვლენებს და ყველანი ერთად ორიენტირებულები ვიყოთ უკვე მომხდარი ფაქტისა და პრობლების აღმოფხვრაში და არა მის კიდევ უფრო გაღრმავებაში და ამით საზოგადოების გახლეჩაში" - ამბობს ტიკარაძე.