თბილისის მერი კახი კალაძე დღეს განვითარებულ მოვლენებს სოციალური ქსელის სშუალებით ეხმაურება. როგორც კალაძე წერს, სირცხვილია მედიის მიმართ გამოხატული აგრესია, ქუჩებში მორბენალი ძალადობრივი ჯგუფების ქმედებები კი დაუშვებელი:

"მეგობრებო, თანამოქალაქენო, მოგიწოდებთ ყველას სიმშვიდისკენ! დაუშვებელია ძალადობა წარმოუდგენელი ფაქტები ფიქსირდება, თავდასხმები მოზარდებზე, ქალებზე, ტურისტებზეც კი.

ჩვენ გვიყურებს საქართველოს მტერიც და მოყვარეც. დაუშვებელია ასე სირბილი ქუჩებში, დაუშვებელია აგრესია. გაითვალისწინეთ ყველამ და გაუფრთხილდით ჟურნალისტებს.

მედია მსოფლიოს ცხელ წერტილებშიც კი ხელშეუხებელია. ჩვენი საზოგადოების სირცხვილია ჟურნალისტების მიმართ გამოხატული უმართავი აგრესია. მიეცით მათ მუშაობის საშუალება" - წერს კალაძე სოციალურ ქსელში.