არ არის გამორიცხული, ჩვენს ოფისთანაც მოხდეს ამ დარაზმული ჯგუფების მოვარდნა, ბატონო პრემიერო, ამ ყველაფერს ისტორია მოგიბრუნებთ, ასეთი რამ პირველად ხდება

არ არის გამორიცხული, ჩვენს ოფისთანაც მოხდეს ამ დარაზმული ჯგუფების მოვარდნა, ბატონო პრემიერო, ამ ყველაფერს ისტორია მოგიბრუნებთ, ასეთი რამ პირველად ხდება - გრიგოლიას ემოციური მიმართვა

პოლიტიკა - 15:47, 05 Jul, 2021

1938

ტვ პირველის გენერალურმა დირექტორმა ინგა გრიგოლიამ თავისი გადამღები ჯგუფები ძალადობრივი აქციიდან უკან გამოიხმო. მა პირდაპირ ეთერში ძალიან ემოციური განცხადება გააკეთა და აღნიშნა, რომ ასეთი რამ ისტორიაში პირველად ხდება, როდესაც ხელისუფლება იძლებულს ხდის მათ, დაყარონ მიკროფონები და გამოვიდნენ აქციიდან, რადგან მათ სიცოცხლესა და ჯანმრთელობას საფრთხე ემუქრება.
გრიგოლიამ ასევე მიმართა პრემიერ-მინისტრს, რომლის განცხადებამაც ძალადობრივი ჯგუფები წაახალისა. ტელეკომპანიის დირექტორმა ღარიბაშვილს უთხრა, რომ ისტორია ამას უკან მოუბრუნებს:

"მინდა მივმართო ტელეკომპანიის ყველა თანამშრომელს - ჟურნალისტს, ოპერატორს, მძღოლს, პირდაპირი ჩართვებისთვის მომუშავე ტექნიკურ ჯგუფს, მეგობრებო, დატოვეთ ყვეა ის წერტილი, სადაც არის ესკალაცია, სადაც არის დაპირისპირების საფრთხე. არც ერთი ჟურნალისტის თმის ღერის ჩამოვარდნაც კი არ უნდა დავუშვათ ჩვენ. პირველად მოხდა ეს, რომ ხელისუფლებამ გვაიძულა, დავდოთ მიკროფონები და გამოვიდეთ დაპირისპირების წერტილებიდან. ასე, რომ, მინდა მოვუწოდო ჩვენს კოლეგებს სხვადასხვა ტელევიზიებიდან - მიიღეთ ჩვენი სოლიდარობა, მიიღეთ ჩვენი მხარდაჭერა და გახსოვდეთ, რომ ამ ქვეყანაში თქვენი მუშაობა არის საშიში. ამ ქვეყანაში თქვენს სიცოცხლეს ემუქრება საფრთხე. როდესაც გიპირისპირდებიან ქვებით, როდესაც თმებში გწვდებიან, გაფურთხებენ, გაგინებენ, როდესაც ისეთ საშინელებას ვხედავთ, რაც ახლა ჩვენს დედაქალაქში ხდება, უნდა მივიღოთ ეს გადაწყვეტილება. ყველანი გამოდით ამ აქციებიდან და ვიდრე შსს არ მოახერხებს, უზრუნველყოფ მედიის წარმომადგენლების უსაფრთხოება, ვიდრე არ იქნება დაცული მათი სიცოცხლე, ტვ პირველი უარს ამბობს, იმუშაოს დაპირისპირების ამ ადგილებში. ჩვენ არ გამოვრიცხავთ, რომ ჩვენს ოფისებთანაც მოხდეს ამ დარაზმული ჯგუფების მოვარდნა. იცოდეთ, რომ ჩვენ ყველაფრისთვის ვართ მზად, არ ვაპირებთ, დავთმოთ ჩენი თავისუფლება. მინდა მივმართო ღარიბაშვილს, რომლის განცხადებამაც მისცა ლეგიტიმაცია ასეთ თავდასხმებს, ისტორია მოგიბრუნებთ ამ ყველაფერს, ასეთი რამ ხდება პირველად" - განაცხადა გრიგოლიამ.