ძალადობრივმა ჯგუფებმა რუსთაველზე, ეროვნულ-დემოკრატიული პარტიის ოფისს ბოთლები დაუშინეს

პოლიტიკა - 14:46, 05 Jul, 2021

932

ძალადობრივი ჯგუფების მხრიდან აგრესიას და სიტყვიერ შეურაცხყოფგას ჰქონდა ადგილი რუსთაველის გამზირზე მიმდინარე აქციის დროს. მათ ეროვნულ-დემოკრატიული პარტიის ოფისს წყლით სავსე ბოთლები დაუშინეს.

„რა მიზეზით დაუშინეს ოფისს ბოთლები ჩვენთვის უცნობია. ისინი პარტიის ოფისში მყოფ ადამიანებს გარედან უხამსი სიტყვებით მიმართავდნენ და განსაკუთრებული აგრესიისთ გამოირჩეოდნენ“ - განაცხადეს ედპ-ის პრესცენტრში.

ჰომოფობიური ჯგუფების მხრიდან არაერთ ლოკაციაზე ჰქონდა ადგილი ფიზიკურ ძალადობას.

შეგახსენებთ, დღეს "თბილისი პრაიდის" კონტრაქციაზე მისული მრევლისა და საეკლესიო პირების მხრიდან ჟურნალისტებზე ძალადობრივი თავდასხმები განხორციელდა. ჰომოფობიურმა ჯგუფებმა დაარბიეს „სორცხვილიას“ ოფისი და „თბ ილისის პრაიდის“ ოფისში შეიწყრნენ, სადაც აივნიდან გადმოფენილი ლგბტ დროშა დახიეს.

მოგვიანებით ისინი გაეროს ოფისთანაც მივიდნენ.

მომხდართან დაკავშირებით საკუთარი პოზიცია დააფიქსირეს სასულიერო პირებმა.

განხორციელებულ ძალადობრივ თავდასხმებზე საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ პასუხისმგებლობა „ღირსების მარშის“ ორგანიზატორებს დააკისრა, აქციაზე მისულმა ბოდბელმა მთავარეპისკოპოსმა იაკობმა კი პრაიდის ორგანიზატორებსა და მედიას.