სამი ტელეკომპანიის - "მთავარი არხის", "ტვ პირველისა" და "ფორმულას" ხელმძღვანელებმა ერთობლივი განცხადება გააკეთეს, რომელიც დღევანდელ მოვლენებს ეხება. საუბარია ძალადობრივი ჯგუფების მიერ ნაცემ ჟრნალისტებსა და ოპერატორებზე. მედიამენეჯერების განცხადებით, ღარიბაშვილმა და გომელაურმა ნადირობის სეზონი გამოაცხადა ჟურნალისტებზე. ტელეკომპანიის ხელმძღვანელებმა მუწოდეს ყველა მედიასაშუალებას, საკუთარი ძალებით დაიცვან ჟურნალისტების სიცოცხლე და ჯანმრთელობა:

"არათუ ადამიანების უფლება, ჩვენი ჟურნალისტების სიცოცხლეც კი არ არის დაცული, დღეს გომელაური მხოლოდ დუგინის და ბიძინა ივანიშვილის უსაფრთხოების დაცვით არის დაკავებული, ორი დღის უკან ჩვენი ჟურნალისტი ნინო ელიკაშვილი სასტიკად სცემეს და სასამართლომ გირაოთი გაათავისუფლა თავდამსხმელი, დღეს რამდენი ჟურნალისტი და ოპერატორი არის სასტიკად ნაცემი თვლაც კი გვიჭირს ჩვენ. მე ვფიქრობ რომ გომელაურმა და ღარიბაშვილმა ნადირობის სეზონი გახსნა ჩვენ ჟურნალისტებზე, ოპერატორებზე. მოვუწოდებთ ყველა მედია საშუალებას ჩვენ თვითონ დავიცვათ ჩვენი გადამღები ჯგუფები და განვარიდოთ ადგილს იმიტომ რომ დღეს ჩვენი ჟურნალისტების სიცოცხლე არ არის დაცული და უაღრესად საშიშია", - განაცხადა ტვ პირველის ხელმძღვანელმა ვატო წერეთელმა.

"საშიში პროცესი, რომელიც კარგს არაფერს მოუტანს ქვეყანას. ხელისუფლებამ მწვანე შუქი აუნთო ძალადობას - აღნიშნა "ფორმულას" ხელმძღვანელმა, ზუკა გუმბარიძემ.

"მოცემულობა არის იმგვარი, რომ არავითარი დაცვის გარანტია არ არსებობს, საფრთხე ექმნება ადამიანების ჯანმრთელობას და სიცოცხლეს, მე არავის არ მოვუწოდებ და არც ვთხოვ უკან დახევისკენ, ვთხოვ იმის გათვალისწინებას, რომ ყველაზე მნიშვნელოვანი არის სიცოცხლე და ჯანმრთელობა" - განაცხადა ნიკა გვარამიამ.