თბილისში ძალადობრივი ჯგუფების წარმომადგენლები რამდენიმე ლოკაციაზე იმყოფებიან და ყველა ადგილზე მომუშავე მედიის წარმომადგენლებს ფიზიკურად უსწორდებიან.

მთავარი არხისა და ტვ პირველის გარდა, ნაცემი არიან "პალიტრანიუსის", "ფორმულას", "რადიო თავისუფლების", "საზოგადოებრივი მაუწყებლის" წარმომადგენლები.

პოლიციას ჯერ არცერთი მათგანი დაუკავებია. ვითარება ყოველ წუთს სულ უფრო უკონტროლო ხდება. ტვ პირველის ოპერატორი, რომელსაც რამდენიმე პირი ფიზკურად სასტიკად გაუსწორდა, ახლა კლინიკაშია გადაყვანილი. გურამ ფალავანდიშვილი მომხდარზე პასუხისმგებლობას ვერ გრძნობს და აცხადებს, რომ ეს გამწარებული ხალხის რეაქციაა. არა და სწორედ ის იყო ძალადობრივი შეკრების ერთ-ერთი ორგანიზატორი.