პატიმრობიდან გათავისუფლების შემდეგ პოლიტიკოსი გოგი წულაია „ტვ პირველის“ ეთერში საუბრობს და აცხადებს, რომ მას ქალბატონზე არ უძალადია.

წულაია ამბობს, რომ ვიდეოში, ის ქალს პატიებას სთხოვს იმის გამო, რომ მას კოცნა სთხოვა.

„მე არასდროს არსად ცხოვრებაში არ მითქვამს, რომ ანგელოზი ვარ და უი რა კაი ვარ. შევცოდე და ვცოდე, მაგრამ ვცოდე უფლის წინაშე და იმის წინაშე… ძალადობა და მისი უფლებები მე არ დამირღვევია.

მისი ჩაწერილია ის, რაც აქვს გამოქვეყნებული [ვიდეო], სადაც ვეუბნები მაპატიე, ბოდიში, მეგობრებად დავრჩეთ, შენი ჭირიმე, შენ გენაცვალე… სად ნახეთ ძალადობა, გაფიცებთ ყველაფერს…

თავიდან ვთხოვე კოცნა და რა? ჩამეინგრა ქვეყანა?“,- აცხადებს გოგი წულაია.