პარტია გირჩის ერთერთმა ლიდერმა იაგო ხვიჩიამ გადაცემა კომენტარში თბილისი პრაიდის ფარგლებში გამართულ ღონისძიებაზე მომხდარ დაპირისპირებას გამოეხმაურა და განაცხადა, რომ არანორმალურია, ქართველს გეების დევნის გამო მაისურშემოხეულს გიჭერდეს პოლიცია:

"ზოგადად ეს არის არანორმალური პროცესი. მე არ მიმაჩნია ნორმალურად ის, რომ ქართველ ადამიანს გეების დევნის გამო მაისურშემოხეულს გიჭერდეს პოლიცია, ამ მდგომარეობაში ჩაიყენო თავი და ეს ითვლებოდეს სასახელო საქმედ. არასოდეს არ ყოფილა ეს ამ ქვეყანაში სასახელო საქმე და ვერც მომავალში იქნება. სამარცხვინო პროცესს ვადევნებთ თვალს და იმედი მაქვს, რომ პოლიცია დადგება მოწოდების სიმაღლეზე და თავიდან ავიცილებთ ჯანმრთელობის დაზიანებას" - განაცხადა მან.