დალიეთ და დაიკელით წონაში - ცხიმების დამწვავი სასმელების 4 რეცეპტი, რომელთაც მარტივად მოამზადებთ

ეს საინტერესოა - 02:58, 01 Jul, 2021

2802

ზედმეტი წონის მოშორებისთვის კომპლექსური მიდგომაა აუცილებელი - სპორტული ვარჯიში. ჯანსაღი კვება და სრულფასოვანი ძილი. ზემოთ ჩამოთვლილს შესანიშნავაიდ ეხმარება და მათ ეფექტს აუმჯობესებს ცხიმების დამწვავი სასმელები, რომელთაც სხვა მრავალი სასარგებლო თვისებებიც გააჩნია.

სასმელები, რომელთაც ჩვენს ორგანიზმში არსებული ცხიმების დაწვა შეუძლია, როგორც წესი, ადვილი მოსამზადებელია და შესაბამისი პროდუქტებიც ხელმისაწვდომი. გთავაზობთ 4 სასმელის მოზადების რეცეპტს.

კივის სასმელი

კივის ბევრი სასარგებლო თვისება აქვს - ის ცილების ცვლას უწყობს ხელს, აძლიერებს იმუნიტეტს, სპობს გულძმარვისა და მუცლის ღრუშ სიმძიმის შეგრძნებას. წელიწადის დროების მიხედვით კივის შეიძლება ლიმონი ან საზამთრო შეუთავსოთ.

ზამთარში თქვენ დაგჭირდებათ: წყალი, კივი, ლიმონი, ასევე მწვანილი: ოხრახუში ან პიტნა. მომზადება მარტივია - დააბლენდერეთ ინგრედიენტები და მომზადებისთანავე მიირთვით.ზაფხულის შემთხვევაში გჭირდებათ წყალი, კივი და საზამთრო. მომზდებისა და მიღების წესი იგივეა.

ჯანჯაფილის ჩაი

ინგრედიენტები: ჯანჯაფილის ფესვი, ლიმონი წყალი.

მომზადების წესი: ჯანჯაფილის ფესვი გახეხეთ სახეხზე ან დანით ძალიან წვრილად დაჭერით. 1 ჩაის კოვზ ჯანჯაფილს დაასხით 1 ლიტრი ადუღებული წყალი და დაბალ ცეცხლზე 6 წუთის განმავლობაში ადუღეთ. ლიმონის წვენი დაუმატეთ გემოვნების მიხედვით.

მიღებული სითხე შეგიძლიათ ჩაის ან ყავის მაგივრად მიირთვათ.

გრეიფრუტის კოქტეილი

ინგრედიენტები: გრეიფრუტი, ცოტა ანანასი, ნიახური, პიტნა და თაფლი. ხილს მოაცილეთ კანი და ყველა ინგრედიენტი ერთად დააბლენდერეთ. ერთი პორციისთვის 200 გრამი ხილი საკმარისია, დანარჩენი შეგძლიათ მაცივარში შეინახოთ და შემდეგ ახალი კოქტეილი მოამზადოთ.

კეფირის სასმელი

ერთი ჭიქა უცხიმო კეფირი და ნახევარი ჩაის კოვზი დარიჩინი ან გამხმარი ჯანჯაფილის ფხვნილი დააბლენდერეთ, ან ჩვეულებრივი ჩანგლით კარგად აურეიეთ. სასმელი მომზადებისთანავე დალიეთ.

ეს სასმელი განსაკუთრებით სასარგენლოა სარამოს, ის სრულად შეგიცვლით სრულასოვან ვახშამს.