ტვ პირველის საინფორმაციო სამსახურის ხელმძღვანელი, ნოდარ მელაძე, სოფელ წინწყაროში, ტელეკომპანიის გადამღებ ჯგუფზე თავდასხმას ეხმაურება.

მისი თქმით, ხელისუფლების განცხადებები და ტონი კრიტიკული მედიის მისამართით ხელისუფლების მხარდამჭერებს ახალისებს, განახორციელონ ძალადობა ჟურნალისტების მიმართ.

"ძალადობას ხელისუფლება ახალისებს, მამუკა მდინარაძეები, თალაკვაძეები, ვოლსკი, ესენი არიან კოლექტიური ძალადობის წამხალისებლები, პასუხისმგებლობაც ეკისრება მათ. ბატონებო, ეს თქვენი წახალისებული ძალადობის შედეგია!

მზად არის წერილი და მივმართავთ ყველა საერთაშორისო ორგანიზაციას... სადაც ეს ხელისუფლება ჩავა, დახვდებათ დასტა წერილებისა, რომ ეს ხელისუფლება არის მოძალადე, სხვა გამოსავალი არ დაგიტოვეს"- ამბობს ნოდარ მელაძე.