პარტია "საქართველოსთვის" წევრი გიორგი ხოჯევანიშვილი თამარ ჟვანიას ცესკო-ს თავმჯდომარის პოსტიდან წასვლას ეხმაურება და გამოთქვამს ვარაუდს, რომ ის "ქართულმა ოცნებამ" იძლების ფორმით გადააყენა. ხოჯევანიშვილი ჟვანიას გადაყენებას სასამართლო სისტემაში მიმდინარე პროცესების გადაფარვის მცდელობას უკავშირებს:

"ქართულმა ოცნებამ ვერ შეძლო არჩევნების შედეგების შენარჩუნება. მიზეზი არის სახელმწიფო ინსტიტუტებისადმი ძალიან დაბალი ნდობის დონე. შესაბამისად, იმის გამო, რომ მომხდარიყო გარკვეულწილად რეაბილიტაცია და იმ საკითხების გადასაფარად, რომელიც დღეს მიმდინარეობს სასამართლო სისტემაში, ქართულმა ოცნებამ იძულების ფორმით, სავარაუდოდ, გადააყენა თამარ ჟვანია და ამით ცდილობენ სახის შენარჩუნებას", - აცხადებს ხოჯევანიშვილი.