ჯანდაცვის მინისტრის ეკატერინე ტიკარაძის განცხადებით, ივლისიდან ქვეყანაში მილიონ დოზაზე მეტი ვაქცინა შემოვა, დღიურ რეჟიმში კი 17 ათასი მოქალაქე აიცრება:

"იმ რესურსით, რაც ამ ეტაპისთვის უკვე საქართველოში არის მობილიზებული, ჩვენ შეგვიძლია დღიურ რეჟიმში 17 000 მოქალაქის აცრა, რაც 25-დღიანი სამუშაო ჭრილის პირობებში არის ნახევარი მილიონი მოქალაქის აცრა და ვთვლით, რომ ეს იქნება საკმაოდ კარგი მაჩვენებელი, თუ ჩვენ ერთობლივი ძალისხმევით შევძლებთ და მომდევნო 3 თვის მანძილზე ავცრით ნახევარ მილიონ მოქალაქეს", - განაცხადა ტიკარაძემ.