ივანიშვილის კლანი სასამართლოში: "ან რეფორმები ტარდება ნებით, ან მოხდება იძულებითი ცვლილება" - ბაჩუკი ქარდავა მოსამართლეების დანიშნვის პროცესზე

პოლიტიკა - 17:56, 29 Jun, 2021

1512

ხმაური იყო დღეს იურიდიულ საკითხთა კომიტეტის სხდომაზე, სადაც ხელისუფლებამ უარი თქვა მოსამართლეთა დანიშნვის პროცესის შეჩერებაზე, რის საპასუხოდაც ოპოზიციამ სხდომა პროტესტის ნიშნად დატოვა.

საერთაშორისო პარტნიორების მოწოდების მიუხედავად, რომ ოცნებამ შეაჩეროს პროცესი, სანამ სასამართლო რეფორმა არ გატარდება, უმაღლეს საბჭოში დღეს კანდიდატ მოსამართლეთა გასაუბრება მაინც მიმდინარეობდა, ეს კი, ხელისუფლების ოპონენტების განცხადებით, მიშელის დოკუმენტის სულისკვეთებას ეწინააღმდეგება.

ოპოზიციამ მმართველი გუნდი 19 აპრილის შეთანხმების დარღვევაში დაადანაშაულა.

ოპოზიციური ფრაქციის "ნაციონალური მოძრაობა გაერთიანებული ოპოზიცია - ძალა ერთობაშიას" წევრი ბაჩუკი ქარდავა აღნიშნულ პროცესში ხელისუფლების ინტერესს ხედავს, რათა სასამართლო კლანის გაძლიერებით გარანტირებული ძალაუფლება შეინარჩუნოს. ქარდავას თქმით, ოცნება მიშელის დოკუმენტის საკუთარი ინტერპრეტაციით გავლენებს იმყარებს, ამიტომ მოსამართლეთა უვადოდ დანიშნვის პროცესს დაჩქარებული წესით ახორციელებს და სასამართლო რეფორმის გატარებას არ ელოდება:

"მართლაც საოცარი ძალა აქვს ქართულ სიტყვას. ძალიან მარტივად განსაზღვრავს და გამოხატავს იმას, თუ რის გაკეთებას ვაპირებთ. მაგალითად, სიტყვა "სულისკვეთება", რომელიც ახლა მოდაში შემოვიდა მიშელის დოკუმენტთან დაკავშირებით, გულისხმობს სიღრმისეულ, აღტკინებული სურვილს იმისას, რომ ქვეყანაში დემოკრატიის განვითარებისთვის რეფორმები განხორციელდეს - ეს არის მიშელის დოკუმენტის სულისკვეთება, რომელზეც საუბრობს ხელმომწერიც, არახელმომწერიც, ხელისუფლებაც და ოპოზიციაც.

თუმა, ხელისუფლება ამ სულისკვეთებასა და ღრმა სურვილში ხედავს გავლენის მოპოვებას და არა რეალური დემოკრატიული რეფორმების გატარებას. ოპოზიცი ითხოვს ცვლილებებს იმისათვის, რომ ქვეყანამ ერთხელ და სამუდამოდ მიიღოს სამართლიანი სასამართლო სისტემა, რომელიც არის მთავარი გარანტი იმისა, რომ იმ ერთ წრეზე არ გავაგრძელოთ სიარული, რომელზეც ამდენი წლის განმავლობაში დავდივართ. სადაც შესაძლებელი იქნება სასამართლოს გზით ადამიანები უსამართლოდ არ ისჯებოდნენ, სადაც არჩევნების გაყალბება უპერსპექტივო და უშედეგო იყოს. სწორედ ეს არის მიშელის დოკუმენტის სულისკვეთება, მისი წაკითხვის საშუალებას ქართული ენა ნამდვილად იძლევა, მარტივად იშიფრება თუ რა სურს ჩვენს ევროპელ მეგობრებს და სრულიად ქართულ საზოგადოებას, თუმცა, მათგან განსხვავებით, ეს ყველაფერი არ სურს ქართულ ოცნებას.

დღეს, იურიდიულ საკითხთა კომიტეტის სხდომაზე კიდევ ერთხელ ნათლად და ცხადად დაფიქსირდა, რომ "ქართულ ოცნებას" ძალაუფლების შენარჩუნება სურს, დანარჩენ საზოგადოებას და საერთაშორისო პარტნიორებს ცვლილებები რეფორმების გასატარებლად სურს. თუ ამას მმართველი გუნდი გაითავისებს, ძალიან კარგი, თუ არა და ცვლილებები იძულებით განხორციელდება.

მოსამართლეთა დანიშნვის პროცესების შეჩერებაზე უარის ნიშნად რა არგუმენტიც არ უნდა მოიყვანონ, ცალსახად ცხადია, დასავლეთი, ელჩები, ევროპარლამენტარები, ქართველი პოლიტიკოსები - ყველანი კარგად ვხვდებით, რომ "ქართული ოცნება" არ აჩერებს პროცესს მხოლოდ იმიტომ, რომ მისი გეგმა ძალაუფლების შენარჩუნების უნდა მივიდეს ბოლომდე. სასამართლოში კლანის შენარჩუნებით ივანიშვილი ხედავს ძალაუფლების გარკვეულ გარანტიებს, დანარჩენი სამყარო ამაში ხედავს არადემოკრატიულ, უსამართლო სასამართლო სისტემას ქვეყანაში, რომელიც ხელს შეუშლის ქართული სახელმწიფოს დემოკრატიულ განვითარებას. ბიძნა ივანიშვილი ამ შედეგს ვერ მიაღწევს, პროცესები ქართველი ხალხისა და ქართული სახელმწიფოს გამარჯვებით დასრულდება. ან რეფორმები გატარდება მათი დაყოლიებული ნებით და მივაღწევთ დემოკრატიას, ან ეს მოხდება იძულებით და ცვლილებები აუცილებლად განხორციელდება, სხვა არჩევანი არ არსებობს" - განაცხადა ბაჩუკი ქარდავამ.