ჟენევის მორიგი რაუნდი და კითხვა პრემიერს, რომელსაც ღარიბაშვილმა თავი აარიდა - "იმედია ხელისუფლება გონს მოეგება და ჩვენთვის სასარგებლო ფორმატი არა ნიველირებული

ჟენევის მორიგი რაუნდი და კითხვა პრემიერს, რომელსაც ღარიბაშვილმა თავი აარიდა - "იმედია ხელისუფლება გონს მოეგება და ჩვენთვის სასარგებლო ფორმატი არა ნიველირებული - წინ წამოწეული იქნება"

პოლიტიკა - 09:48, 29 Jun, 2021

786

ჟენევის მორიგი რაუნდი და კითხვა პრემიერს, რომელსაც ღარიბაშვილმა თავი აარიდა - ეროვნულ-დემოკრატიული პარტიის ლიდერი ბაჩუკი ქარდავა აცხადებს, რომ ღარიბაშვილს პასუხი არ ჰქონდა იმაზე, რომ ქვეყანას საგარეო პოლიტიკა არ გააჩნია და რომლის მიზეზი, დეპუტატის თქმით, ივანიშვილის პოლიტიკაა, რომელსაც არ სურს პროდასავლური კურსის გაგრძელება.
ქარდავა ჟენევის ფორმატის აუცილებლობაზე საუბრობს და აღნიშნავს, რომ ჟენევის ფორმატი, ეს არის ერთადერთი ფორმატი, სადაც საქართველო ყველაზე კარგადაა წარმოჩენილი და ეს ფორმატია ძალიან სასარგებლოა ქვეყნისთვის:

"მე კითხვაც დავუსვი პრემიერ ღარიბაშვილს, რატომღაც თავი აარიდა კითხვაზე პასუხს. მე აღვნიშნე, რომ ფაქტობრივად ქვეყანას არ გააჩნია საგარეო პოლიტიკა და ეს არ არის შემთხვევითობა არა იმიტომ, რომ საგარეო საქმეთა სამინისტრო მუშაობს ცუდად, არამედ იმიტომ, რომ ბიძინა ივანიშვილს არ სურს გააგრძელოს პროდასავლური კურსი, რომელიც უნდა იყოს ქვეყნის ორიენტირი. ეს არის მთავარი მიზეზი, საგარეო პოლიტიკა ქვეყანას ფაქტობრივად არ გააჩნია. იგივეა ჟენევის ფორმატი, ეს არის ერთადერთი ფორმატი, სადაც ჩვენ ყველაზე კარგად ვართ წარმოჩენილნი და ყველაზე სასარგებლოა საქართველოსთვის. მაგრამ ფაქტობრივად ჟენევის ფორმატის ნიველირება ხდება სხვადასხვა ფორმატების გამოყენებით. მე იმედი მაქვს, რომ ხელისუფლება გონს მოეგება, სახელმწიფოსა და სამშობლოს ინტერესი ყოველთვის წინა პლანზე დგება და ჟენევის ფორმატის მსგავსი ფორმატები იქნება არა ნიველირებული, არამედ გამოყენებული, წინა პლანზე წამოწეული და არა კარასინი-აბაშიძის მსგავსი" - აცხადებს ბაჩუკი ქარდავა.