საქართველოს მესამე პრეზიდენტი, მიხეილ სააკაშვილმა ტვ პირველის ეთერში აცხადებს, რომ მისი გუნდის ხელისუფლებაში ყოფნისას, როცა საფუძველი ჩაეყარა ევროპაში უვიზო მიმოსვლას, ყველაფერი სულ სხვანაირად წარმოედგინა.

მესამე პრეზიდენტის თქმით, მას წარმოედგინა, რომ ქართველები ივლიდნენ ტურისტებად და არა მარწყვის მკრეფავებად :

“ჩვენ დროს ჩაეყარა საფუძველი და გაფორმდა ევროპაში უვიზო მიმოსვლა და ვაი, ჩემს თავს, რომ ეს გავაფორმე, ვნანობ და ყოველ ჯერზე თითს ვკბენ, იმიტომ, რომ მართლა სხვანაირად წარმომედგინა ეს. წარმომედგინა, რომ საქართველო იქნებოდა სწრაფად განვითარებადი, მაღალშემოსავლიანი ქვეყანა და ქართველები ივლიდნენ ტურისტებად და არა მარწყვის მკრეფავებად და ტალახში ამოსაგანგლად გერმანიაში. მე ქართველი არც გერმანელის მონად არ მინდა, არც თურქის და არც რუსის. მე მინდა, რომ საქართველო იყოს მდიდარი ქვეყანა და როდესაც დღეს, უვიზო მიმოსვლას იყენებენ მხოლოდ იმისათვის, რომ საქართველო აქციონ უფასო მუშა ხელის ექსპორტიორად, ამას აკეთებს პირველ რიგში ივანიშვილი ” – თქვა სააკაშვილმა.